2- Ga Manzo na abin fahari,
3- Sahabbai masu yin witiri,
4- Da alaye da ke da gari!
5- Tabaraka mai dukkan lamari,
6- Ka ɗauke min duhun kabari,
7- Gare ka na ke daɗin zikiri,
8- Ka ban ’yar nan abar garari!
9- A yau dai na fito sarari,
10- A yaƙin ban ganin haɗari,
11- Kamar yaro a ba shi ɗari:
12- A murna ya fi mai digiri!
13- Abokai na ku yo nazari:
14- Ga rana ta fito sarari,
15- Ta na haske, ta na ta fari,
16- Hasken rai na abar marari!
17- Budurwa ce fara tagari,
18- Mai murya sai ka ce kanari,
19- A baitoci da ke waɗari,
20- A ƙauye ko cikin sa gari!
21- Da ke ce yau na ke fahari,
22- A zuci a yau ina tiriri,
23- Soyayya ta saka ni jiri,
24- Batun ƙaunar ki ba ni bari!
25- Mai so na sai mu ƙara shiri,
26- Mu sha zaƙi na so nagari,
27- Shi zaƙin sai ka ce sikari,
28- Tsaya kai na ki na jimiri!
29- Abar ƙauna abar garari,
30- Kin taka rawa kamar mazari,
31- Me zan ce ne ki ba ni gari,
32- Har in dace da ke tagari?
33- Mafarki na abar marari,
34- In rintse ido kamar kanari,
35- In farka ga ki nan sarari
36- A tare da ni mu na bidiri!
37- In buɗe ido cikin katari,
38- A ce ni ne na cinye gari,
39- A ɗaki na ki ke witiri,
40- A lallai da’iman lamari!
41- Kira na sai mu ƙara shiri,
42- Ga Allah mui ta yin witiri,
43- Nabiyyul Lahu nai zikiri,
44- Ku ce amin da ayyiriri!
45- Kwarai wakarka tai tsari
ReplyDelete46- Akan so ka zamo mazari
47- Ka tsaro baitika na gari
48- Allahu yasa mu sha budiri
49- Da ɗo himma ka kara shiri
50- Dan so shi zai cireka mari
51- Musamman inda alkawari
52- Mai doki bai hawa kutiri
53- Mu roki tabara duk buri
54- Mu guje surkulle ko bori
55- Idan burinmu yafi dari
56- Mu Allah bashi yin gori
57- Inama dai ka sa gishiri?
58- Cikin baitinka kai kari
59- Kamanninta ka bamu labari
60- Kicibis! ko zamu ganta agari
61- Muyo mata addu’ar khairi
62- Domin Allah ya bata tsari
63- Cikin zuciya ta baka guri
64- Ko ka wuce mai nufin sharri
65- Anan zan dakata bashari
66- Ina murane da dan tari
67- Yasa zancen danai kudiri
68- Tilas ya takaita sai hakuri.